تورکیه گه قیغوداشلیک پیام لری کیلماقده

تورکیه نینگ قهرمان ماراش ولایتیده یوز بیرگن 7,7 و 7,6 ریشترلیک زلزله لر سببلی دنیا اولکه لری رهبر لری نینگ تورکیه جمهوریتی جمهوررئیسی رجب طیب اردوغان گه قیغوداشلیک پیام لری دوام ایتماقده. 

قیرغزستان جمهوررئیسی صدر جباروف و الجزایر جمهوررئیسی عبدالمجید تبون جمهوررئیس اردوغان گه قونغیراق قیلیب زلزله ده حیاتینی یوقاتگن لر اوچون قیغوداشلیک بیلدیررایکن, یره لنگن کیشی لر گه عاجل شفا تیلب قالدی. 

جباروف و تبون, ممکن بولگن هر خیل همکارلیککه تیار ایکن لیک لرینی معلوم قیلدی.

جمهوررئیسلیک علاقه باشقرمه سی تامانیدن بیریلگن بیانات گه کوره, آلمان باش وزیری اولاف شولتس, انگلستان باش وزیری ریشی سوناک, هالند باش وزیری مارک روته و ارمنستان باش وزیری نیکول پاشینیان هم زلزله سببلی جمهورئیس اردوغان گه قونغیراق قیلیب قیغوداشلیک بیلدیررایکن, یره لنگن لرگه شفا تیلب قالدی. 

انگلستان قرالی چارلس هم, ترقتگن قیغوداشلیک پیامیده عیالی و اوزی نینگ تورکیه ده ییرقیمیرلش حادثه سی یوز بیرگن لیگی سببلی جوده خفه ایکن لیگینی بیلدیردی. 

افریقا اولکه لری دن هم, تورکیه ده گی ییرقیمیرلش حادثه سی سببلی قیغوداشلیک و همکارلیک پیام لری کیلماقده. 

سودان حاکمیت کینگشی باشلیغی و اردو قوماندانی جنرال عبدالفتاح البرهان, چاد دولت رهبری محمد ادریس دبی, یوگاندا جمهوررئیسی یووری موسونی, کنگو جمهوریتی جمهوررئیسی دنیس ساسو نگسو,  جنوبی سودان تشقی ایشلر و خلق ارا همکارلیک وزیری ماییک آییی دینگ, چاد تشقی ایشلر وزیری محمود علی یوسف و موریتانیا تشقی ایش لر وزیرلیگی هم زلزله ده حیاتینی یوقاتگن لر اوچون قیغوداشلیک بیلدیررایکن, یره لنگن لر گه عاجل شفا تیلب قالدی.