کنگو دموکراتیک جمهوریتی ده گی توقنه شوولرده ایکّی یوز دن آرتیق کیشی حیاتی نی یوقاتدی

کنگو دموکراتیک جمهوریتیده گی اوروش لرده سونگّی 6 هفته ده 200 دن آرتیق کیشی (عادی اهالی) نینگ حیاتی نی یوقاتگن لیگی بیلدیریلدی. 

بیرلشگن ملت لر تشکیلاتی قاچقین لر بوییچه عالی کمیسارلیگی نینگ سوزچیسی ایوژین بویون, کنگو دموکراتیک جمهوریتی نینگ شرقیده گی اوروش لرده سونگّی 6 هفته ده 200 دن آرتیق عادی اهالی نینگ حیاتی نی یوقاتگن لیگی نی بیلدیردی. 

عادی اهالی گه قره تیلگن هجوم لرنینگ قوراللی گروه لر تامانیدن اویوشتیریلگن لیگی نی بیلدیرگن سوزچی, هجوم لرنینگ ایتوری و شمالی کیوو منطقه لریده آرتیب کیتگن لیگی نی معلوم قیلدی. 

سوزچی, هجوم لرده تقریباً 2 مینگ اوی نینگ ویران بولگن لیگی و 80 مکتب نینگ یاپیلگن لیگی نی بیلدیردی. 

اوروش لر سببلی اوتگن ییلدن بیری 500 مینگ کیشی منطقه نی ترک ایتیش گه مجبور بولیب قالدی.