کنیاده کوپلب تروریست جنگری اولدیریلدی

کنیا اردوسی تامانیدن سومالیا چیگره سیده اویوشتیریلگن حربی عملیات نتیجه سیده ترور تشکیلاتی الشباب منسوبی 18 ته تروریست جنگری تاثیرسیز وضعیت گه کیلتیریلدی.  

منطقه پولیس باشلیغی جورج صدا الشباب اعضالری نینگ بیر نیچه هفته دن بیری یشینیب تورگن دیگابون منطقه سیگه قره ته حربی عملیات اویوشتیریلگن لیگینی بیلدیردی.

صدا "عملیات عاقبتیده 18 ته الشباب اعضاسی اولدیریلدی" دیدی.

خوددی شو عملیاتده ترور تشکیلاتی نینگ قورال، منفجره موادی و حربی تجهیزاتلرنینگ هم قولگه کیریتیلگن لیگینی معلوم قیلگن صدا الشباب اعضالری نینگ کنیاگه سومالیا چیگره سیدن کیریب کیلگن لیگینی قید ایتدی.

سومالیانینگ کنیا چیگره سیده هم اکتیف بولگن الشباب گه قره ته هفته لردن بیری سومالیا اردوسی حربی عملیات آلیب بارماقده.

ترور تشکیلاتی کنیاده اینیقسه گریسا، مندیرا و واجر منطقه لریده ترورچیلیکئ هجوملریگه قول اوریش گه دوام ایتماقده.