چین امریکا نی قاچاقچیلیک بیلن عیبله دی

چین, امریکا قوشمه ایالتلری نی "سوریه دن پطرول و غله آلیب قاچیریش" بیلن عیبله دی. 

چین تشقی ایش لر وزیرلیگی سوزچیسی وان وینبین, پایتخت پکن ده ترتیب له گن مطبوعاتی کنفرانسیده, امریکا قوشمه ایالتلری اردوسی نینگ 14-جنوری ده سوریه نینگ حسکه ولایتیدن پطرول یوکلنگن 53 تانکر نی عراق ده گی حربی مرکز لری گه انتقال ایتدیرگن لیگی بیلن علاقه لی ادعا نی بهالنتیردی. 

سوزچی, بشار الاسد رژیمی نینگ رسمی معلومات لری نینگ, میلادی 2022- ییل نینگ دستلبکی آلتی آییده سوریه ده چیقاریلگن پطرول نینگ 80 فایزدن آرتیق بیر مقداری نینگ امریکا قوشمه ایالتلری اشغال کوچ لری تامانیدن سوریه نینگ تشقریسی گه آلیب قاچیریلگن لیگی نی کورسه تیاگن لیگی نی ایسله تیب اوتدی. 

وانگ, "بو اوغیرلیق سوریه ده گی انرژی بوییچه معما لر و بشری بحران نی چقورلشتیرماقده.  سوریه خلقی نینگ یشش حقی امریکا قوشمه ایالتلری تامانیدن پایمال ایتیلماقده.  سوریه خلقی آزگینه پطرول و غذایی مواد بیلن قیش نی اوتکزیش گه حرکت قیله دی" دییه قید ایتدی. 

امریکا قوشمه ایالتلری کوچ لری نینگ جاری آی نینگ باشیده هم سوریه دن 60 تانکر و موتر گه یوکلنگن پطرول و غله نی آلیب قاچیرگن لیگی نی بیلدیرگن وانگ, اوز سوز لری نی, "سوریه نینگ منبع لری نی اوغیرلرایکن, امریکا قوشمه ایالتلری نینگ آچ کوزلیگی حقیقت دن هم دقت گه سزاوار بیر موضوع نی تشکیل ایتماقده" شکلیده دوام ایتدیردی. 

واشنگتن رهبریتی نی خلق ارا حقوققه اویغون حرکت قیلیش گه و پطرول نی اوغیرله گن لیگی باعث جواب بیریش گه چقیرگن سوزچی, "امریکا قوشمه ایالت لری آلگنده و همده بیرگنده اولکه لرنی کتته معما لر گه دوچار قیله دی و کیین ایسه اوز حاکمیتی و منفعت لری دایره سیده اونینگ ثمره سی نی آله دی.  منه بو امریکا قوشمه ایالتلری نینگ 'قاعده لر گه اویغون رژیم' دیگن گپی" دییه قید ایتدی.