پوتین اوکراین ده آتشکیسین اعلان قیلدی

روسیه جمهوررئیسی ولادیمیر پوتین, اوکراین ده بوگون محلی وقت بیلن ساعت 12.00 ده باشله یدیگن شکلده 36 ساعتلیک بیر مدت بیلن آتشکیسین نینگ تطبیق ایتیلیشی بوییچه روسیه مدافعه وزیرلیگی گه بویروق بیردی. 

روسیه جمهوررئیسلیک قصری کرملین تامانیدن بیریلگن یازمه بیاناتده, ولادیمیر پوتین نینگ, اورتدکس لرنینگ کریسمسی سببلی "اوکراین ده اوتکینچی آتشکیسین" بوییچه مدافعه وزیرلیگی گه بویروق بیرگن لیگی معلوم قیلیندی. 

آتشکیسین نینگ بوگون (6- جنوری) محلی وقت بیلن ساعت 12.00 دن باشلب 36 ساعت دوام ایته دیگن لیگی بیلدیریلگن بیاناتده, "توقنه شوو لرنینگ دوام ایتیاتگن منطقه لرده کوپلب اورتدکس نینگ یشیاتگن لیگی گه قره گنده, انسان لرنینگ کریسمس ده دینی مراسم لر گه اشتراک قیله آلیش لری اوچون اوکراین تامانی نی هم آتشکیسین اعلان قیلیش گه چقیره میز" دییه قید ایتیلدی.

اوکراین تامانی ایسه آتشکیسین نی تطبیق ایتمه یدیگن لیگی نی معلوم قیلدی. 

اوکراین جمهوررئیسلیک دفتری نینگ مصلحتچیسی میخائیل پودولیاک, اجتماعی ترماق آرقه لی بیرگن بیاناتیده, "روسیه نینگ اشغال آستیده گی منطقه لرنی ترک ایتیشی کیره ک.  شونده گینه اوتکینچی آتشکیسین نینگ اعلان ایتیلیشی ممکن" دییه قید ایتدی.