بیرلشگن عرب امیرلیکلری بیلن چین بیرلشگن ملتلر تشکیلاتینی عاجل جلسه گه چقیردی

بیرلشگن عرب امیرلیکلری و چین، اسرائیل ملی خوفسیزلیک وزیری ایتامار بن گویر تیناون کونی مسجد اقصی گه اویوشتیرگن باسقین نینگ آرتیدن بیرلشگن ملتلر تشکیلاتی خوفسیزلیک کینگشی نینگ تیزده جلسه اوتکزیشینی طلب ایتدی.

اردون رسمی خبر آژانسی PETRA، ایککی اولکه نینگ مسجد اقصی گه اویوشتیریلگن باسقین نی تیلگه آلیش اوچون پنجشنبه کونی عاجل وضعیت جلسه سی طلب ایتگن لیگینی بیلدیردی.

شونده ی بولیب بیرلشگن ملتلر تشکیلاتی خوفسیزلیک کینگشی نینگ فلسطین موضوعی بوییچه آیلیک جلسه سی نینگ 18 جنوریده اویوشتیریشی و خوددی شو جلسه ده ناقانونی روشده گی یهودی تورر جایلری، اشغال، خشونت و بیت المقدس نینگ وضعیتی نینگ تیلگه آلینیشی کوتیلماقده.

فلسطینلیکلرگه قره ته عرقچی و ایریمچی پولیتیکالری بیلن تن آلینگن یهودی کوچی حزبی ییتکچیسی ایتامار بن گویر 5 ییل کیین وظیفه ده بولگن حالده حرم شریف گه باسیب کیرگن دستلبکی اسرائیللیک وزیر بولگندی.

بو باسقین نی فلسطین باشقرووی قاله ویرسه تورکیه بیلن بیر قطارده انچه اولکه و موسسه قاره لب بیانات بیرگندی.

مسجد اقصی اسرائیل بیلن اردون اورته سیده 1994 ییلی 26 اکتوبرده قول قوییلگن کیلیشووگه کوره اردون وقفلر، اسلامی ایشلر و مقدسات وزیرلیگی گه باغلیق بیت المقدس اسلامی وقفلر باشقرووی نینگ حمایه سیده دیر.

بیراق یهودیلر، اسرائیل نینگ بیر تامانلیک قراری و بعضی بیر یهودی افراطی گروهلرنینگ تشبثی بیلن 2003 ییلیدن بیری اسلامی وقفلر باشقروویدن رخصت آلمه ی پولیس کوچلری نینگ همراهلیگیده مقدس معبدگه باسیب کیرماقده.