طالبان تامانیدن قیز اوقیووچیلر اوچون قبول قیلیب آلینگن قرار دنیا مقیاسیده قاره لنماقده

افغانستانده قیز اوقیووچیلر اوچون عالی تعلیم نی توخته تیب قویدی. شو بیلن ناراضیلیکلر بیلدیرلماقده.

شونده ی بولیب ایچیده امریکا قوشمه ایالتلری، انگلستان، آلمان، فرانسه کانادا هم بولمیش 12 اولکه نینگ تشقی ایشلر وزیرلری بیلن بیر قطارده اروپا بیرلیگی نامیدن تشقی علاقه لر و خوفسیزلیک پولیتیکاسی یوکسک نماینده سی جوزیپ بوریل تامانیدن مشترک بیانات بیریلدی.   بیاناتده قیز اوقیووچیلر اوچون عالی تعلیم نی توخته تیب قوییش قراری قاره لندی. طالبان نینگ خاتین – قیزلرگه قره ته باسیمچی تدبیرلری نینگ طالمانه و سیستیماتیک دوام ایتتیرگن لیگی بیلدیریلدی.

بیاناتده، طالبان، بو حمله لر بیلن اوزینی افغانستان خلقی و خلق ارا همجمعیتدن تاباره اجره تماقده" دیب ایتیلدی.

شونده ی بولیب کورفز اولکه لری و اسلام بیرلیگی تشکیلاتی هم اوشبو قرارنی قاره له دی.

اسلام بیرلیگی تشکیلاتی بیلن سعودی عربستان، قطر بحرین، بیرلشگن عرب امیرلیکلری طالبان نینگ قرارینی بویوک قیغو بیلن کوتیب آلگن لیکلرینی معلوم قیلیب کابل باشقروویگه قراریدن قیتیشی بوییچه چقیریق قیلدی.

بو قرارنی تورکیه هم قاره له گندی.

تورکیه جمهوریتی تشقی ایشلر وزیرلیگی تامانیدن بیریلگن یازمه بیاناتده،

"افغانستانده خلق نینگ امیدلریگه بناً برچه قیز اوقیووچیلرگه تعلیم حقی نینگ استثناسیز بیریلیشی اولکه نینگ رفاهی و کیلجگی جهتیدن اهمیت گه سزاواردیر. شونده ی بولیب خوددی شو قرارنینگ کوزدن اوتکزیلیشی و کیره ک لی آدیملرنینگ تیزده آتیلیشینی کوتگن لیگیمیزنی افاده ایته میز" دییلگندی.

جمهور رئیسلیک سوزچیسی ابراهیم قلین هم اجتماعی ترماق آرقه لی بو قرارنینگ اسلام نینگ روحی گه ضد ایکن لیگینی تاکییدله گندی.

شونده ی بولیب افغانستان نینگ جلال آباد شهریده طالبان نینگ قرارینی قاره لش اوچون مظاهره اوتکزیلدی.