امریکا قوشمه ایالتلری: خوفسیزلیک بوییچه تورکیه بیلن همکارلیگی میز کتته اهمیت گه ایگه

امریکا قوشمه ایالتلری تشقی ایش لر وزیرلیگی سوزچیسی ند پرایس, مهم ناتو اعضاسی بولگن تورکیه نینگ مدافعه بوییچه ضرورت لری نینگ تامین ایتیلیشی توغریسیده همکارلیک قیلیش نی خواهلیاتگن لیک لری نی بیلدیردی. 

پرایس, کونده لیک مطبوعاتی کنفرانسیده, تورکیه گه اف – 16 ساتیلیشی بوییچه چیکلاو لر نینگ, مدافعه بودیجه سی نی هم قمره گن 2023- ییل ملی مدافعه قانونی دن چیقاریلیشی حقیده گی بیر سئوال گه جواب قیتردی. 

اوشبو سئوال گه جواب قیترگن پرایس, "البته که تورکیه مهم بیر ناتو اعضاسی و خوفسیزلیک بوییچه مهم بیر همکاری میز دن عبارت. مدافعه ظرفیتی میز نینگ بیرلشتیریلیشی و دوچ کیلیاتگن قیین تهدید لرگه قرشی کوره شه آلیشی اوچون تورکیه نینگ ضرورت لری نی تامین ایتیب بیریش نی ایسته ماقده میز.  هیچ بیر ناتو اعضاسی اوز حدود لری ده تورک متفق لری میز دن کوپراق تروریزم معما سی گه دوچ کیلمه گن.  شوباعث خوفسیزلیک بوییچه همکارلیگی میز بیز نینگ جهتی میز دن کتته اهمیت گه ایگه" دییه قید ایتدی. 

تورکیه جمهوریتی جمهوررئیسی رجب طیب اردوغان و امریکا قوشمه ایالتلری دولت رهبری جو بایدن نینگ مادرید ده بولیب اوتگن اوچره شووی ده اوشبو حقده گپیرگن لیک لری نی معلوم قیلگن پرایس, پس سویه لرده هم اوچره شوو لرنینگ بولگن لیگی و امریکا تشقی ایش لر وزیرلیگی نینگ خوددی شوو توغریده کانگرس بیلن گپله گن لیگی نی بیلدیردی.