استولتنبرگ تورکیه نینگ خلق ارا مقیاسده گی رولی حقیده گپیردی

ناتو عمومی منشی سی ینس استولتنبرگ, تورکیه و جمهوررئیس رجب طیب اردوغان نینگ, قاره دینگیز آرقه لی غله صادراتی کیلیشووی مدتی نینگ چوزیلیشی و اسیر اولمه شووی بوییچه کلیدی رول اوینه گن لیگی نی بیلدیردی.

استولتنبرگ, تورکیه نینگ خلق ارا مقیاسده گی رولی بیلن سویدن و فنلاند نینگ ناتو اعضالیگی بوییچه پروسه حقیده گپیردی. 

قاره دینگیز آرقه لی غله صادراتی کیلیشووی مدتی نینگ چوزیلیشیده تورکیه و جمهوررئیس اردوغان نینگ کلیدی رول اوینه گن لیگی نی بیلدیرگن استنولتنبرگ, اسیر المه شووی بوییچه هم وضعیت نینگ خوددی شونده ی ایکن لیگی نی معلوم قیلدی. 

مادرید ده تورکیه, سویدن و فنلاند نینگ 3 تامانلمه کیلیشوو گه قول قویگن لیگی نی معلوم قیلگن استولتنبرگ, فنلاند بیلن سویدن نینگ مسئولیت لری نی بیلگن لیگی نی بیلدیریب, مذکور اولکه لر نینگ تروریزم گه قرشی کوره ش بوییچه هم تورکیه بیلن یقیندن همکارلیک قیلیاتگن لیگی نی ایسله تیب اوتدی.  

عینی دمده استولتنبرگ, اوکراین نی اوزاق بیر مدت حمایت قیلیش بوییچه تیار بولیش لری کیره ک ایکن لیگی نی بیلدیردی. 

تورکیه, 28- جون ده مادرید ده بولیب اوتگن ناتو رهبر لر ییغیلیشیده اعضالیک اوچون مراجعه قیلگن فنلاند بیلن سویدن نی ویتو قیلماقده. 

انیق روشده ترور تشکیلات لری نی حمایت قیلیاتگن ایکله اولکه بیلن بیر پروتوکول امضاله گن انقره, قیلینگن وعده لرنینگ بجا کیتیریلیشی نی کوتماقده.