بایدن ایران ده گی ناراضی چیلیک نمایش لری حقیده گپیردی

امریکا قوشمه ایالتلری دولت رهبری جو بایدن, ایران ده مهسا امینی نینگ قولگه آلینیشی آرتیدن وفات ایتگن لیگی سببلی باشله گن و تقریباً 50 کوندن بیری دوام ایتیب کیلیاتگن ناراضی چیلیک نمایش لری حقیده گپیردی. 

بایدن, "ایران نی آزاد قیله میز" دییه قید ایتدی. 

جو بایدن, کالیفرنیا ده دموکرات حزبی تامانیدن بولیب اوتگن بیر مراسمده قیلگن معروضه سیده, ایران ده گی ناراضی چیلیک نمایش لری حقیده سوز یوریتدی. 

بایدن نینگ معروضه سی جریانیده, طرفدار لری "آزاد ایران" دیگن شعار نی کورستدی. 

بایدن ایسه, "تشویش قیلمه نگ.  ایران نی آزاد قیله میز. اولر جوده یقین کیله جکده اوز لری نی آزاد قیله دی" دییه قید ایتدی. 

ایران پایتختی تهران ده, 22 یاشلی مهسا امینی نینگ 16- سپتامبرده قولگه آلینیشی آرتیدن حیاتی نی یوقاتگن لیگی سببلی اوشبو اولکه ده رهبریت گه قرشی ناراضی چیلیک نمایش لری باشلب کیتگن ایدی.