اوروپا ده کوپلب افغانستانلیک مهاجر باله یوقالدی

جولای آییده اوروپا اتفاقی اولکه لریده 2 مینگ مهاجر باله یوقالدی. 

اوروپا احصائیه اداره سی نینگ بیرگن معلوماتی گه کوره, جولای آییده, اوروپا اتفاقی اعضاسی اولکه لر ده 2 مینگ مهاجر باله یوقالگن. 

اینگ کوپ باله نینگ بلغاریا و اطریش ده یوقالگن لیگی بیلدیریلماقده. 

اطریش مهاجرت اداره سی متخصص لری گه کوره ویانا حکومتی, باله یاشده گی مهاجر لرنی عایله لری نینگ یشیاتگن اولکه لرگه یوبارماقده.  شوباعث بعضی باله لر, مراجعت آرتیدن خبر بیرمسدن کمپ لرنی ترک ایتماقده. 

جاری ییلده کوپچیلیگی افغانستان تبعه سی بولگن 5 مینگ مهاجر باله نینگ اطریش ده گی کمپ لردن کیتیب یوقالگن لیگی بیلدیریلماقده. 

هالند ده هم آگست آیی گه قدر 85 مهاجر باله, خبر بیرمسدن مهاجر لر کمپی نی ترک ایتگن.

متخصص لر, کمپ لرده گی مهاجر باله لرنینگ قاچاقچی لرنینگ قولیگه توشگن لیگی نی بیلدیرماقده. 

اوروپا ده یوقالگن مهاجر باله لر بیلن علاقه لی فعالیت یوریتیاتگن میدیا اورگانی دن عبارت Lost in Europe میلادی 2018- و 2020- ییل لر آره سیده 18 مینگ دن آرتیق مهاجر باله نینگ اوروپا ده یوقالگن لیگی نی بیلدیرگن ایدی.