ارمنستان عسکر لری آذربایجان موضع لری گه قره ته اوق اوزدی

ارمنستان عسکر لری, آتشکیسین نی اخلال قیلیب کلبجر و تووز ده گی آذربایجان موضع لری گه قره ته اوق اوزدی. 

آذربایجان مدافعه وزیرلیگی تامانیدن بیریلگن بیاناتده, "3- اوکتوبر کونی کیچکی پیتدن باشلب 4- اوکتوبر ایرته لبکی پیت گه قدر ارمنستان قوراللی کوچ لری, آذربایجان- ارمنستان دولت چیگره سیده گی کلبجر ولایتی نینگ زیوَل, زَیلیک و ایستیسو بیلن تووز ولایتی نینگ آغدام و گارا لر منطقه سیده گی آذربایجان اردوسی موضع لری گه قره ته اوق اوزدی" دییه قید ایتیلدی. 

بیاناتده, آذربایجان اردوسی نینگ ارمنستان عسکر لری نینگ اوشبو عملی گه قرشی عکس العمل کورستگن لیگی بیلدیریلدی. 

بیاناتده, "وضعیت نینگ عمداً یمان لشتیریلیشی بوییچه برچه مسئولیت لر نینگ ارمنستان نینگ حربی و سیاسی رهبرلیگی گه عاید ایکن لیگی نی بیلدیره میز" دییه قید ایتیلدی.