ناتو بیلن روسیه اورته سیده گی اوروش جوده یمان بیر اوروش بوله دی

ناتو عمومی منشی سی ینس استولتنبرگ, "روسیه جمهوررئیسی ولادیمیر پوتین نینگ هسته ای تهدیدی نینگ تکرار لری نی کوریشی میز تقدیرده, بونگه اهمیت بیریشی میز کیره ک" دییه قید ایتدی. 

استولتنبرگ, اوروپا پارلمانی سوسیالیست و دموکرات گروپی ییغیلیشیده اشتراک قیلیب معروضه قیلدی. 

اوکراین ده گی اوروش بوییچه ناتو نینگ ایکّی وظیفه سی بولگن لیگی نی معلوم قیلگن استولتنبرگ, بیری نینگ بو اولکه نی قوللب- قوتلش و باشقه سی نینگ ایسه اوروش نینگ کینگ قولاچ یاییب کیتیشی نی توسیب قویشدن عبارت ایکن لیگی نی بیلدیردی. 

استولتنبرگ, روسیه نینگ سونگّی کون لرده, "ساخته رفراندوم, هسته ای الداقچیلیک و قوراللی کوچ لرنی حرکت گه اونده ش" کبی فعالیت لر بیلن اوروش نی جدللشتیرگن لیگی نی معلوم قیلدی. 

استولتنبرگ, "هر قنده ی بیر هسته ای سلاح دن فایده له نیش قبول قیلینه آلمه یدیگن بیر وضعیت دن عبارت.  بو اوروش نینگ طبیعتی نی بوتونله ی اوزگرته دی.  روسیه نینگ, هسته ای اوروش نینگ موفقیت گه سبب بولمه یدیگن لیگی و هیچ قچان بونده ی بیر اوروش نینگ بولمه یدیگن لیگی نی بیلیشی کیره ک" دییه قید ایتدی. 

استولتنبرگ, اوز سوز لری نی, "پوتین نینگ هسته ای گپ لر نی تکرارله شی تقدیرده بونگه اهمیت بیریشی میز کیره ک.  شوباعث, بونینگ روسیه جهتی دن جدی نتیجه لری بوله دیگن لیگی و هسته ای اوروش نینگ هیچ بیر شکلده بولیشی نینگ ممکن ایمس لیگی نی انیق بیلدیرماقده میز.  کیین اوکراین دن باشقه بیر مسئله گه ایله نیب قاله دی.  حاضرگی کونده اوکراین ده دوام ایتیاتگن اوروش بیر تراژیدی البته که, لیکن ناتو بیلن روسیه اورته سیده گی اوروش جوده یمان بیر اوروش بوله دی" شکلیده دوام ایتتیردی.