یونانده تورک ملت وکیلی نینگ تهدید ایتیلیشی تورکیه تامانیدن قاره لندی

تورکیه، برچه تهدید و باسیملرگه قره مه ی غربی تراکیا اقلیت تورکلری نینگ یانیده ایکن لیگینی بیلدیردی.

یونانده ایسکیچه تورک اقلیتی ملت وکیلی حسین زیبک نینگ بیر تلویزیون کانالی نینگ جانلی روشده گی دستوریگه تیلفون آرقه لی علاقه قوروب اولیم بیلن تهدید ایتیلیشی تورکیه تامانیدن قتّیق قاره لندی.

تورکیه جمهوریتی تشقی ایشلر وزیرلیگی تامانیدن بیریلگن بیاناتده؛

" برچه تهدید و باسیملرگه قره مه ی انسان حقلری و ایرکینلیک کوره شیدن وازکیچمه گن غربی تراکیا اقلیت تورکلری نینگ یانیده میز. یونان مقاملری نینگ بو آغیر واقعه بوییچه تیرگاو باشله تیشینی و بونگه قول اورگنلرنی جزالنتیریشینی کوته میز" دییلدی.

بیاناتده، یونان مقاملریگه " بو آغیر واقعه اوچون تیرگاو باشله تیشی و بونگه قول اورگنلرنی جزالنتیریشی" بوییچه چقیریق قیلیندی.

یونان تورکلری ملت وکیلی حسین زیبک دوشنبه کونی قتنشگن بیر تلویزیون دستوری گه تیلفون آرقه لی علاقه قورگن بیر کیشی تامانیدن جانلی روشده اولیم بیلن تهدید ایتیلگندی.