تورک دولت لری تشکیلاتی آذربایجان گه قیغوداشلیک بیلدیردی

تورک دولت لری تشکیلاتی عمومی منشی سی بغداد امره یف, آذربایجان- ارمنستان چیگره سیده گی توقنه شوو لرده آذربایجان عسکر لری نینگ حیاتی نی یوقاتگن لیگی سببلی قیغوداشلیک پیامی ترقه تدی. 

تورک دولت لری تشکیلاتی تامانیدن بیریلگن یازمه بیاناتده, امره یف نینگ, آذربایجان- ارمنستان چیگره سیده 'ارمنستان قوراللی کوچ لری نینگ حربی تحریک لری بوییچه قیغو بیلدیرگن لیگی' و بونی قاره له گن لیگی معلوم قیلیندی. 

امره یف, جنوبی قفقاز ده قالووچی بیر تینچلیک نینگ اورنه تیلیشی اوچون آذربایجان بیلن ارمنستان اورته سیده گی تینچلیک پروسه سی نینگ اهمیتی گه دقت قره تدی. 

آذربایجان نینگ خلق ارا مقیاسده قبول قیلینگن چیگره لری نینگ ارضی تمامیتی و دخلسیزلیگی نی قوللب- قوتلیاتگن لیک لری نی تکرارلب اوتگن امره یف, ارمنستان نی, ایکّی قوشنی اولکه اورته سیده موجود بولگن کیلیشوو لر گه اویغون حرکت قیلیش گه چقیردی. 

امره یف, "شهید لر نینگ عایله لری, قرداش آذربایجان خلقی و حکومتی گه قیغوداشلیک بیلدیررایکن, یره لنگن لر گه ایسه عاجل شفا تیلب قاله میز" دییه قید ایتدی. 

آذربایجان مدافعه وزیرلیگی, ارمنستان نینگ چیگره ده اوتگن کیچه و توناون ایرته لب دوام ایتگن حربی تحریک لری نتیجه سیده 50 عسکر نینگ شهید بولگن لیگی نی بیلدیرگن ایدی.