یونان تورکیه چیگره سیده گی تیمیر دیوارنی اوزه یتیره دی

یونان تورکیه نینگ چیگره سیده تیمیر توسیق (دیوار) نی 180 کیلو مترگه اوزه یتیره دی.

یونان وطنداشلرینی حمایه قیلیش وزیری تاکیس تئودوریکاکوس، تورکیه بیلن چیگره داش بولگن مریچ دریاسی منطقه سیده قاچقینلرنینگ اوتیشی گه توسیق بولیش اوچون 40 کیلومتر بولگن تیمیر توسیققه قوشیمچه ینه 140 کیلومتر توسیق اوریلیشیدن خبر بیردی.

تئودوریکاکوس، مریچده گی چیگره گه سفری چاغیده بیرگن بیاناتده، چیگره ده گی گزمه و کوزه توو چاره – تدبیرلرنی کوپه یتیریش مقصدی بیلن 250 ته قوشیمچه پولیس جایلشتیریلیشینی اورغوله دی.

باش وزیر کیریاکوس میچوتاکیس نینگ باشچیلیگیده 23 اگستده اوتکزیلگن یونان ملی خوفسیزلیک حکومت کینگشی جلسه سیده، مریچده گی تیمیر توسیق نی تورکیه نینگ چیگره سی بویلب اوزه یتیریلیشی بوییچه قرار قبول قیلیب آلینگندی.   

یونان پولیس کوچلری نینگ راپوریگه کوره، جاری ییل نینگ ایلک 7 آییده 3 مینگ 554 ته سی مریچده بولیب اولکه مقیاسیده توپلم 7 مینگ 484 ته قاچقین قولگه آلینگن.

آتن، قاچاق اوتیش گه توسیق بولیش مقصدی بیلن تورکیه بیلن یونان اورته سیده گی چیگره سیگه 40 کیلومتر اوزونلیگیده تیمیر توسیق تیکله گندی.