متقی بیلن لاوروف اوزارا سوزلشوو اوتکزدی

طالبان اوتیش دوری حکومتی تشقی ایشلر وزیری امیرخان متقی، توناون کونی افغانستان نینگ پایتختی کابلده جایلشگن روسیه بویوک ایلچی لیگی نینگ یقینیده اویوشتیریلگن تروریستیک هجوم بیلن تیگیشلی روسیه تشقی ایشلر وزیری سرگی لاوروف بیلن تیلفون آرقه لی سوزلشدی.

امیرخان متقی، 2 روس وطنداشی هم اولگن هجوم بیلن تیگیشلی سرگی لاوروف گه قیغوداشلیک بیلدیرگن لیگینی معلوم قیلیب حادثه بیلن تیگیشلی کینگ – کولملی تیرگاو باشله تیلگن لیگینی ییتکیزدی.

متقی؛

"ایککی تامان هم دشمنلرنینگ بو کبی سلبی حرکتلرنینگ ایککی اولکه اورته سیده گی اولیملی مناسبتلریگه تاثیر قالدیرمس لیگی کیره ک" دیدی.

لاوروف ایسه انفجارنینگ خلق ارا بیر جنائی گروهی نینگ حرکتی ایکن لیگینی معلوم قیلیب بونگه قرشی کوره شیش گه اورونیش کیره ک لیگینی خواهله دی.

افغانستان نینگ پایتختی کابل نینگ 7- ناحیه سیده جایلشگن روسیه بویوک ایلچیلیگی گه توناون کونی ساعت 1:00 ده هجوم اویوشتیریلگندی.

کابل امنیه قومندانلیگی سوزچیسی خالد زدران خودکش هجومی عاقبتده 4 کیشی تینچ اهالی بیلن 2 نفر بویوک ایلچیلیک روس ملازمی نینگ جان بیرگن لیگینی و انچه تینچ اهالی نینگ یره لنگن لیگینی بیلدیرگندی.

هجوم عاقبتیده ویزه اوچون کیلگنلر بیلن بیرگه لیکده روس بویوک ایلچیلیگی ملازمی نینگ آماج قرار بیریلگن لیگینی بیلدیرگندی.

شاهدلر ویزه اوچون کیلگنلرنینگ اوقیووچیلردن عبارت ایکن لیگینی ایتگندی.

باشقه تاماندن هجوم نینگ مسؤلیتینی ترور تشکیلاتی داعش اوز بوینی گه آلدی.