افریقالیک خلقلر انگلستان نی سودگه تارتدی

انگلیس مستعمرهد چیلیک باشقرووی چاغیده اوز توپراقلرینی ترک ایتیش گه مجبور قیلینگن کنیالیکلر، انگلستان گه قرشی اروپا انسان حقلری سودیگه دعوا آچدی.

کنیانینگ ریفت وادیسیده گی اوز توپراقلرینی ترک ایتیش گه مجبور قیلینگن خلقلردن وکالت قیلووچی مدافعه وکیللری، انگلستان نینگ مستعمره باشقرووی نینگ قربانلری تامانیدن بولگن شکایتلرگه بها بیرمه گن لیگی و اوزی قول قویگن اروپا انسان حقلری کیلیشووینی اخلال ایتگن لیگی بیلن عیبله ماقده.  

بریتانیا امپراتورلیگی کنیانی میلادی 19 عصرنینگ سونگگی پیتلری بیلن 1962 ییلی اورته سیده باشقرگن دیر. ریفت وادیسیده گی خلق، 20 عصرنینگ باشیده اوز توپراقلریدن ترک ایتیش گه مجبور قیلیندی.

بوگونگی کونده، وادیده جایلشگن اینگ بویوک قصبه بولمیش کریچونینگ تیگره گیده کوپ ملیتلی کتته شرکتلر تامانیدن چای ایکیلیب ییتیشتیریلماقده.

دعواچیلر بیرگن باناتده؛

" یونیلیور، ویلیامسون چای، فینلی و لیپتون کبی دنیا مقیاسیده بای چای شرکتلری بو توپراقلرنی اشغال ایتیب فعالیت قیلماقده و انچه فایده قولگه کیریتماقده" دییلدی.