کنگو دموکراتیک جمهوریتی ده یوزلب محکوم قماقخانه دن قاچدی

کنگو دموکراتیک جمهوریتی ده بیر قماقخانه ده یوز بیرگن توقنه شووده 3 کیشی حیاتی نی یوقاتدی.  اولگن کیشی لر دن 2 نفری نینگ پولیس ایکن لیگی بیلدیریلدی. 

ترقه تیلگن خبرلر گه کوره, "مای- مای کاتا کاتانگا" ناملی عصیانچی گروپ شمالی- کیوی ولایتی بوتیمبو شهریده جایلشگن کاکوانگورا قماقخانه سی گه هجوم قیلدی. 

عصیانچی لر 874 محکوم نینگ موجود بولگن قماقخانه نینگ ایشیک لری نی سیندیریب 800 دن آرتیق محکوم نینگ قاچیشی گه سبب بولدی. 

اوشبو هجومده, "مای- مای کاتا کاتانگا"  اعضا لری بیلن خوفسیزلیک کوچ لری اورته سیده یوز بیرگن توقنه شووده 2 پولیس بیلن بیر نفر عصیانچی حیاتی نی یوقاتدی. 

خوفسیزلیک کوچ لری شهر نینگ شمالشرقی تامان قاچگن محکوم لرنی اوشلش اوچون عملیات باشلتدی.