ناتو رهبر لر ییغیلیشی باشله دی

اسپانیا پایتختی مادرید ده ناتو رهبر لر ییغیلیشی باشله دی.  اوشبو ییغیلیش آلدی دن رهبر لر صورت گه توشدی. 

صورت گه توشیاتگن پیتده تورکیه جمهوریتی جمهوررئیسی رجب طیب اردوغان و امریکا قوشمه ایالتلری دولت رهبری جو بایدن صحبت قیلدی. 

سلاملشگن ایکله رهبر کیین ناتو عمومی سکرتری استولتنبرگ بیلن بیرگه صورت گه توشدی. 

کیین ایکله رهبر انگلستان باش وزیری بوریس جانسون نینگ یانیگه باریب تیککه تورگن حالده صحبت قیلیشدی. 

استولتنبرگ, اوکراین بیلن علاقه لی دستلبکی ییغیلیش نینگ آچیلیشیده قیلگن معروضه سیده, رهبر لر ییغیلیشیده, روسیه و چین کبی اوتوریتر تیزیم لرنینگ قاعده لر گه تَیَنگن نظم گه قرشی حرکت قیلیاتگن رقابتچی بیر دنیا ده ناتو نینگ کوچه یتیریلیشی بوییچه مهم قرار لر آلینه دیگن لیگی نی بیلدیردی. 

ناتو نینگ پلانی خصوصیتی گه ایگه استراتژیک کانسیپت حجتی نینگ ینگی شکلی نینگ قبول قیلینه دیگن لیگی نی بیلدیرگن استولتنبرگ, ناتو نینگ آلدی نی آلیش و مدافعه کوچی نی آرتیره دیگن لیک لری, سویدن و فنلاند نینگ دعوت ایتیلیشی بیلن ناتو نینگ دروازه لری نینگ آچیق ایکن لیگی نینگ کورسه تیله دیگن لیگی نی معلوم قیلدی. 

استولتنبرگ, اوکراین جمهوررئیسی ولادیمیر زلنسکی نینگ رهبر لر گه قره ته معروضه قیله دیگن لیگی و اوکراین اوچون کینگ کولملی بیر یاردم برنامه سی نینگ قبول قیلینه دیگن لیگی نی بیلدیردی.

اوشبو رهبر لر ییغیلیشی گه میزبانلیک قیلیاتگن اسپانیا باش وزیری پیدرو سانچز هم قیلگن معروضه سیده, "قیله دیگن قرار لری میز کیلگوسی 10 ییللیک ظرفیتی میز و منبع لری میز نینگ استفاده ایتیلیش شکلی نی انیقله یدی.  جهان بیز نی کوزه تماقده.  همه میز نینگ بیر یقه دن باشقه چیقاریب کوتیلگن نرسه لرنی تامین ایتیشی میز نینگ ممکن ایکن لیگی نی کورسه تیب بیره میز" دییه قید ایتدی. 

اوچ تامانلمه کیلیشوو نینگ امضالنگن لیگی سببلی تورکیه, فنلاند و سویدن گه تبریک بیلدیرگن سانچز, "بو ایکّی اولکه نینگ ناتو اعضاسی ایتیب قبول قیلینیشی مهم بیر ینگیلیک دن عبارت بوله دی" دییه قید ایتدی.