اردوغان بایدن بیلن سوزله شدی

تورکیه جمهوریتی جمهوررئیسی رجب طیب اردوغان, تلفن آرقه لی, امریکا قوشمه ایالتلری دولت رهبری جو بایدن بیلن سوزله شدی. 

جمهوررئیسلیک ارتباط لر باشقرمه سی تامانیدن بیریلگن بیاناتگه کوره, صحبتده, تورکیه بیلن امریکا اورته سیده گی مناسبت لر و منطقه مقیاسیده گی مسئله لر باره سیده بحث ایتیلدی. 

عینی دمده اردوغان بیلن بایدن, اسپانیا پایتختی مادرید ده بولیب اوته دیگن ناتو رهبر لر ییغیلیشی آلدین دن اوشبو ییغیلیش نینگ کون ترتیبی ده اورین آلگن موضوع لر نی بهالنتیردی.

جمهوررئیس اردوغان, مادرید گه جونب کیتمسدن آلدین انقره ده هوا قونلغه سیده بیرگن بیاناتیده, بوگون ایرته لب تلفن آرقه لی امریکا دولت رهبری بیلن سوزله شگن لیگی نی معلوم قیلرایکن, بایدن نینگ بوگون کیچقرون یاکه ایرته گه ینه اوچره شیش نی آرزو قیلگن لیگی نی ایسله تیب, اوزی نینگ هم "بولیشی ممکن" دییه جواب قیترگن لیگی نی بیلدیرگن ایدی. 

آق اوی تامانیدن بیریلگن بیاناتده هم, بایدن نینگ, ناتو رهبر لر ییغیلیشی دایره سیده جمهوررئیس اردوغان بیلن اوچره شه دیگن لیگی بیلدیریلدی.