اوکراین اوروشیده اوتّیز بیش مینگ روس عسکری اولگن

اوشبو مطلب نی اوکراین قوراللی کوچلری قوماندانلیگی بیلدیردی

1848728
اوکراین اوروشیده اوتّیز بیش مینگ روس عسکری اولگن

اوکراین قوراللی کوچ لری قوماندان لیگی بیرگن بیاناتیده, روسیه نینگ اوکراین گه قرشی هجوم لری نینگ باشله گن کوندن (24- فبروری) بیری 35 مینگ روس عسکری نینگ اولگن لیگی نی بیلدیردی.

بیاناتده, عینی دمده اوکراین اردوسی نینگ روسیه نینگ 217 اوچاغی, 184 هلیکوپتری, 1552 تانکی, 3687 زرهی واسطه سی, 771 توپی, 243 راکت تیزیمی و 101 هوا مدافعه تیزیمی نی یوق قیلگن لیگی بیلدیریلدی.

 بوندن تشقری اوکراین اردوسی نینگ روسیه نینگ 2 مینگ 575 نظامی موتری و 636 اوچووچیسیز اوچاغی نی یوق قیلگن لیگی معلوم قیلیندی. 

روسیه مدافعه وزیرلیگی میلادی 2022- ییل 25- مارچ کونی بیرگن بیاناتیده اوکراین اوروشیده 1351 روس عسکری نینگ اولگن لیگی نی بیلدیرگن ایدی. 

اوکراین نینگ لوهانسک منطقه سیده گی سیورودونتسک شهری نی قولگه کیریتگن روسیه اردوسی, توپچی تیزیمی نینگ همکارلیگی بیلن لیسیچانسک شهری نی جنوب تاماندن محاصره قیلیش گه حرکت قیلماقده. 

اوشبو شهر بیلن وولچویاریوکا ده گی حربی و ملکی مرکز لر گه قره ته هجوم اویوشتیریلگن لیگی بیلدیریلدی. 

روسیه اردوسی نینگ اوکراین نینگ اودسا منطقه سی گه قره تیلگن راکت هجوم لری عاقبتیده 6 کیشی نینگ یره لنگن لیگی معلوم قیلیندی.   



علاقه لی ینگی لیکلر