دونالد ترامپ اوکراین ده گی اوروش نینگ اوچینچی جهان اوروشی گه سبب بوله دیگن لیگی نی بیلدیردی

امریکا قوشمه ایالت لری نینگ سابق دولت رهبری دونالد ترامپ, حاضرگی دولت رهبری جو بایدن نینگ اقتصاد نی جوده یمان بیر وضعیت گه کیتیریب قویگن لیگی نی معلوم قیلرایکن, اوکراین سببلی امریکا نی بیر "جهان اوروشی" تامان آلیب کیلیاتگن لیگی نی بیلدیردی. 

ترامپ, نیوزماکس نطاقی ایریک بولینگ بیلن قیلگن مصاحبه سیده, "اولکه میز نینگ وضعیتی جوده یمان.  اولکه میز هیچ قچان بونده ی بولمه گن ایدی.  اوکراین و روسیه ده بولگن نرسه لر بیلن علاقه لی جدی خطرده میز.  اولرنینگ (بایدن رهبریتی نینگ) باشقروی نینگ بیر جهان اوروشی گه سبب بولیشی ممکن.  اولر نینگ قیلیاتگن ایش لری دیوانه لیک" دییه قید ایتدی. 

کیف گه اونلب میلیارد دالرلیک حربی یاردم یوبارگن لیگی باعث جو بایدن نی تنقید قیلگن ترامپ, اوروش نی آرتیریش نینگ "اوچینچی جهان اوروشی گه سبب بوله دیگن لیگی نی" بیلدیردی. 

ترامپ, ینه بیر مرته, "حاضرگی کونده اقتدارده بولسه ایدیم, اوکراین ده هیچ قچان اوروش باشله مس ایدی" دییه قید ایتدی. 

عینی دمده ترامپ, 2024- ییلده دولت رهبرلیگی اوچون کاندید بولیشی بوییچه هیچ قنده ی بیر توسیق نینگ موجود ایمس لیگی نی بیلدیردی.