بیرلشگن ملتلر تشکیلاتی خوفسیزلیک کینگشی اوتکینچی اعضا لری سیلندی

بیرلشگن ملتلر تشکیلاتی خوفسیزلیک کینگشی نینگ بیش ینگی اوتکینچی اعضاسی سیلندی.

193 اعضاسی بولگن بیرلشگن ملتلر تشکیلاتی عمومی کینگشیده بولیب اوتگن سیلاوده, اکوادور, جاپان, مالتا, موزامبیک و سوئیس بیرلشگن ملتلر تشکیلاتی خوفسیزلیک کینگشی نینگ اوتکینچی اعضا لری ایتیب سیلندی. 

اوشبو بیش اولکه, میلادی 2023- ییل 1- جنوری دن باشلب بیرلشگن ملتلر تشکیلاتی خوفسیزلیک کینگشی ده 2 ییل لیک بیر مدت بیلن اوتکینچی اعضا صفتیده ایش بجره دی. 

15 اعضا اولکه نینگ موجود بولگن بیرلشگن ملتلر تشکیلاتی خوفسیزلیک کینگشی نینگ 5 دایمی اعضاسی ایسه امریکا قوشمه ایالتلری, چین, روسیه, انگلستان و فرانسه دن عبارت. 

قالگن 10 اعضا ایسه بیرلشگن ملتلر تشکیلاتی نینگ 5 جغرافی گروپی آره سیدن 2 ییل لیک بیر مدت بیلن بیرلشگن ملتلر تشکیلاتی عمومی کینگشی ده سیله نه دی.

اوتکینچی اعضا لر دن 5 ته سی هر ییل ینگی لنماقده. 

حاضرگی کونده اعضا بولگن آیرلند, ناروی, هندوستان, کنیا و مکسیکو نینگ وظیفه سی مدتی جاری ییل نینگ اداغیده اداققه ییته دی. 

بیرلشگن ملتلر تشکیلاتی خوفسیزلیک کینگشی اعضالیگی گه سیله نیش اوچون 193 اعضاسی بولگن بیرلشگن ملتلر تشکیلاتی عمومی کینگشیده بولیب اوته دیگن سیلاوده رای لرنینگ اوچ دن ایکّی قسمی نی آلیش کیره ک.