اتریش ده بیر مسجد نینگ تشقی دیواری گه اسلام گه قرشی نرسه لر یازیلدی

اتریش ده بیر مسجد نینگ تشقی دیواری گه عرقچی و اسلام گه قرشی نرسه لر یازیلدی. 

قویی اتریش ایالتی گه باغلیق سولیناو ده گی یشیل جامع مسجدی نینگ مسئول لری تامانیدن بیریلگن بیاناتده, بوگون ایرته لب کیم ایکن لیگی انیقلنمه گن بیر کیشی نینگ مسجد نینگ تشقی دیواری گه اسلام گه قرشی و عرقچی نرسه لر یازگن لیگی بیلدیریلدی.

بیاناتده اسلام گه قرشی اوشبو حرکت نینگ اینگ آغیر شکلده قاره لنگن لیگی بیلدیریلگن بیاناتده, بو نینگ اولکه ده گی برچه مسلمان لر و دینی ایرکین لیک لرگه قرشی قیلینگن بیر تشبث دن عبارت ایکن لیگی گه دقت قره تیلدی. 

تورکیه نینگ ویانا ایلچیسی اوزان جیحون هم اوشبو حادثه نی قتتیق بیر شکلده قاره له گن لیگی نی معلوم قیلرایکن, خوفسیزلیک کوچ لری نینگ حادثه نی یاریتیب بیریش اوچون کینگ کولملی تیکشیرو باشلتگن لیگی نی بیلدیردی. 

جیحون, مسئول لرنینگ فاعل نی قیسقه بیر مدت کیین اوشله یدیگن لیگی گه ایشانیاتگن لیگی نی بیلدیررایکن, "اوشبو حادثه نینگ اتریش ده انسان لرنینگ تینچی نی بوزگن سونگّی حادثه بولیشی نی آرزو ایتیب قاله من" دییه قید ایتدی.