انگلستان اوکراین گه اوزاق مسافه لی راکت تیزیم لری یوباره دی

انگلستان, روسیه نینگ اپریل آیی دن بیری بیرینچی مرته کیف نی اوریشی آرتیدن اوکراین گه اوزاق مسافه لی راکت تیزیم لری یوباره دی. 

مدافعه وزیری بن والاس, انگلستان نینگ, اوکراین نینگ قولیده گی لردن اوزاق مسافه نی اوره آله دیگن حساس راکت و اولرنی آته دیگن M270 کوپ میللی راکت تیزیمی یوباره دیگن لیک لری نی بیلدیردی. 

انگلستان نینگ اوکراین نی قوللب- قوتلب کیلیاتگن لیگی نی بیلدیرگن والاس, "روسیه تکتیک لری نی اوزگرتگن سری اوکراین نی حمایتی میز نینگ هم اوزگریشی کیره ک" دییه قید ایتدی. 

روسیه اردوسی نینگ شهر لرنی ویران قیلیش اوچون اوزاق مسافه لی توپ لردن فایده له نیاتگن لیگی نی معلوم قیلگن والاس, اوشبو راکت تیزیم لری دن فایده له نیب اوکراین نینگ روسیه گه قرشی اوزی نی ینه ده یخشیراق مدافعه قیله دیگن لیگی نی بیلدیردی.

بوندن آلدین هم امریکا قوشمه ایالتلری بونگه اوخشش راکت تیزیم لری نی اوکراین گه یوباره دیگن لیگی نی بیلدیریشی آرتیدن, روسیه جمهوررئیسی ولادیمیر پوتین, اوکراین ده گی ینگی هدف لرنی اوره دیگن لیک لری معلوم قیلگن ایدی.

اوشبو بیانات دن قیسقه بیر مدت کیین روسیه 5- جون کونی پایتخت کیف نی اپریل آیی دن کیین بیرینچی مرته اورگن ایدی. 

روسیه 24- فبروری ده اوکراین گه هجوم اویوشتیره باشلرایکن, قتتیق بیر مقاومت آرتیدن کیف نینگ تیگره نی ترک ایتگن روس کوچ لر دونباس گه اهمیت بیره باشله گن ایدی.