دنمارک بیلن سویدن نینگ اوکراین گه یاردم ییتکیزیب بیریشیدن خبر بیریلدی

دنمارک اوکراین گه 2 میلیارد کرون (290 میلیون دالر) لیک حربی یاردم ییتکیزیب بیردی.

دنمارک دولت تلویزیون ترماغی بولمیش DR خبر بیریشیچه، مدافعه وزیری مورتن بودیسکوف اوکراین گه قورال و ایریم حربی اسبابدن عبارت 2 میلیارد کرون (290 میلیون دالر) لیک حربی یاردم ییتکیزیب بیرگن لیکلرینی بیلدیردی.

سویدن حکومتی هم یشیرنچلیک دایره سیده اوکراین گه ینگی بیر حربی یاردم ییتکیزیب بیریشیدن خبر بیردی.

حکومت نینگ انترنیت ترماغیدن بیریلگن بیاناتده اوکراین گه یوکسک مقدارده حربی یاردم ییتکیزیب بیریله جگی شونده ی بولیب یشیرنچلیک سبب یاردم نینگ نیمه دن عبارت ایکن لیگی توغریسیده معلومات بیریلمسلیگی معلوم قیلیندی.

سویدن اوکراین گه بوندن آلدین هم 5 مینگ ته AT4 قورالی، 5 مینگ ته قوریقلاوچی کییم، 5 مینگ ته حربی قلپاق و 135 مینگ حربی اوچون تیار آذیق – اوقات ییتکیزیب بیرگندی.

سویدن تشقی ایشلر وزیری ان لینده تویتر آدرسی آرقه لی 2 فبروریده نشر قیلگن پُستیده اوکراین اردوسی اوچون اجره تیلگن 50 میلیون دالر نقدی یاردم نینگ جایی گه ییتکیریلگن لیگینی بیلدیرگندی.