دنیا مقیاسیده یوز میلیونلب کیشی نینگ اوی – جاییدن بدرغه بولیب کیتگن لیگی بیلدیریلدی

دنیا مقیاسیده اوی – جاییدن بدرغه بولگنلر سانی نینگ ایلک مرته 100 میلیوندن آشیب کیتگن لیگی بیلدیریلدی.

بیرلشگن ملتلر تشکیلاتی قاچقینلر یوکسک کمیشنرلیگی (UNCHCR) خشونت، توقنه شوو، انسان حقلری اخلاللری و ظلمدن قاچیب قوتیلیش گه مجبور بولیب قالگنلر سانی نینگ 100 میلیون کیشینی آشیب کیتگن لیگینی قید ایتدی.

بونگه اوکراینده گی اوروش نینگ هم تاثیر قالدیرگن لیگی گه دقت قره تگن UNCHCR اتوپیا، بورکینا فاسو، مانمار، نایجریا، افغانستان و کنگو دموکراتیک جمهوریتیده 2021 ییلی نینگ سونگگیده بدرغه بولگن انسان سانی نینگ 90 میلیون گه ییتگن لیگینی معلوم قیلدی.

روسیه تامانیدن 24 فبروری تاریخیده اوکراین گه قره ته باشلتگن هجوملر عاقبتیده ایسه اوکراین نینگ ایچیده 8 میلیوندن آرتیق انسان بدرغه بولدی، 6 میلیوندن آرتیق کیشی چیت ایلگه قاچیب کیتدی.