تورکیه تشقی ایشلر وزیری چاووش اوغلی: اوکراین اوروشی نینگ دوام ایتیشی نی خواهله گن اولکه لر بار

امریکا قوشمه ایالت لری نینگ نیویورک شهری گه تشریف بویورگن تورکیه جمهوریتی تشقی ایش لر وزیری مولود چاووش اوغلی, خوددی شوو ییر نینگ اوزیده تورک اوییده, تورک- امریکا جمعیتی اعضالری بیلن اوچره شدی. 

چاووش اوغلی قیلگن معروضه سیده, کرونا ویروس پاندمیسی اداققه ییترایکن, اوکراین اوروشی نینگ باشله گن لیگی و منطقه ده قیین چیلیک لرنینگ حاضرگی کونده هم دوام ایتیاتگن لیگی نی معلوم قیلدی. 

چاووش اوغلی, "بونده ی وقت لرده رهبرلیک و یخشی نیت کتته اهمیت گه ایگه بوله دی.  بو اوکراین اوروشیده هم انیق کوریندی. جمهوررئیسی میز رجب طیب اردوغان باشچی لیگیده فعال و حساس تشقی سیاستی میز بیلن خوددی شوو قیین کون لرده فعالیت لری میز نی دوام ایتتیرماقده میز و اوشبو پروسه ده بیز آلیب باریاتگن سیاست همه تامانیدن کوزه تیلیب تقدیر ایتیلماقده" دییه قید ایتدی. 

اوروش نینگ دوام ایتیشی نی آرزو قیلیاتگن اولکه لرنینگ موجود ایکن لیگی نی کوریاتگن لیک لری نی بیلدیرگن چاووش اوغلی, بونینگ منفی نتیجه سی نینگ ایسه اوکراین و روسیه خلقی گه تاثیر قالدیریاتگن لیگی نی معلوم قیلدی. 

روسیه بیلن اوکراین اورته سیده زودلیک بیلن آتشکیسین نینگ تامین ایتیلیشی کیره ک ایکن لیگی نی معلوم قیلگن چاووش اوغلی, عادی اهالی نینگ منطقه دن چیقاریلیشی بوییچه تورکیه نینگ بیرلشگن ملتلر تشکیلاتی عمومی سکرتری آنتونیو گوترش بیلن همکارلیکده فعالیت یوریتیاتگن لیگی نی ایسله تیب اوتدی. 

بشری موضوع لر بوییچه بیرلشگن ملتلر تشکیلاتی عمومی سکرتری تامانیدن مطرح ایتیلگن, بیرلشگن ملتلر تشکیلاتی, تورکیه, روسیه و اوکراین نینگ موجود بولگن بیر تماس گروپی دن بحث ایتگن چاووش اوغلی, "کیلگوسی کونلرده تخنیک سویه ده بیر ییغیلیش اوتکزیش نی ریجه له ماقده میز" دییه قید ایتدی.