روسیه و اوکراین هیئت لری اورته سیده گی مذاکره لر توخته تیلدی

اوکراین جمهوررئیسلیک دفتری مصلحتچیسی میخائیل پودولیاک, اولکه سی بیلن روسیه اورته سیده گی هیئت لر ارا مذاکره پروسه سی نینگ توخته تیلگن لیگی نی معلوم قیلدی. 

پودولیاک, اوروش نینگ باشله گن کوندن بیری اوکراین ده گی وضعیت نینگ انچه اوزگرگن لیگی نی بیلدیردی. 

"روسیه رهبریتی نینگ بونی حاضر هم انگله مه گن لیگی نی" بیلدیرگن پودولیاک, روسیه نینگ اوزگریش لرگه اهمیت بیرمه گن لیگی باعث اوکراین و روسیه اورته سیده گی اوروش نینگ اداققه ییتیشتیریلیشی بوییچه هیئت لر ارا مذاکره پروسه سی نینگ معطل قیلینگن لیگی نی معلوم قیلدی. 

پودولیاک, "مذاکره پروسه سی اوکراین ده گی وضعیت نینگ قنده ی ایکن لیگی گه باغلیق.  استانبول بیلدیروی آرتیدن مهم بیر اوزگریش یوز بیرمه گن لیگی باعث پروسه معطل قیلیندی.  روسیه حاضرگی کونده هم اوزی نینگ بیلگن سیاستی نی آلیب بارماقده.  روسیه, اوروش نینگ 82- کونیده هم عموماً آلیب قره گنده اوکراین ده گی وضعیت نینگ باشلنغیچ ده گی کبی ایمس لیگی نی انگله مه دی. ایتیب اوتیشیم کیره ک که اوروش مذاکره بیلن حل بوله دی" دییه قید ایتدی. 

روسیه و اوکراین هیئت لری, آتشکیسین نینگ تامین ایتیلیشی اوچون بلاروس ده 3 مراتبه, تورکیه ده ایسه بیر مرته یوز مه یوز مذاکره اوتکزدی.  29- مارچ کونی استانبولده بولیب اوتگن مذاکره لرده آتشکیسین نینگ تامین ایتیلیشی بوییچه مثبت ینگیلیک لر یوز بیرگن ایدی.