آلمانده گی اوکراینلیکلر تورکیه دن یاردم طلب ایتدی

آلمانده گی اوکراینلیکلر اولکه لریده گی تینچ اهالی نینگ تخلیه سی اوچون تورکیه دن یاردم طلب ایتدی.

تورکیه نینگ برلین بویوک ایلچیلیگی قاشیده ییغیلگن 200 دن آرتیق اوکراین وطنداشی تورکچه اوله راق "تورکیه ماریپولنی قوتقر" دیگن شعار بیردی. شونده ی بولیب اوزاق مدتدن بیری روسیه نینگ اشغالی آستیده بولمیش ماریپولده محاصره ده قالگن حربیلر و تینچ اهالی اوچون جمهور باشلیغی رجب طیب ایردوغاندن یاردم طلب ایتدی.

نمایشچیلردن اوا یاکوبوفسکا، تورکیه نینگ ماریپولده محاصره ده قالگن حربیلر و تینچ اهالی نینگ دینگیز یولی آرقه لی تخلیه ایتیشی نینگ ممکن ایکن لیگینی معلوم قیلدی.

یاکوبوفسکا "تورکیه کوچلی بیر اولکه و امنیت نی تامین ایتیب تخلیه قیلیش نی بجریشی ممکن" دیب ایتدی.