روسیه مرکز بانکی روس اقتصادی حقیده بیر راپور تیارلب ترقه تدی

روسیه مرکز بانکی تامانیدن تیارلنگن راپورده اولکه ده گی بحران نینگ روسیه اقتصادی اوچون 90 ییللریدن بیری یوز بیرگن اینگ تاثیرلی بحرانلردن بیرته سی ایکن لیگی بیلدیریلدی.

روسیه مرکز بانکی تامانیدن تیارلنگن "پول سیاستی راپوری – می 2022" ده چیکلاولر تاثیری آستیده گی روس اقتصادی بیلن تیگیشلی راپور ترقه تیلدی.

غربی اولکه لر تامانیدن روسیه گه قره ته آلیب باریلگن چیکلاولرنینگ 2024 ییلی گچه دوام ایتیشی کوتیلگن لیگی تاکییدلنگن مذکور راپورده شولرگه اورین بیریلگن:

"دوام ایتیب تورگن ناانیقلیکلر و روس صادراتی گه کیریتیلگن چیکلاولر باعث گلوبال بازارلرده گی نرخلر یوقاری باریش گه دوام ایته دی" دییلدی.

روسیه نینگ اساسی صادرات محصوللرینی ارزان نرخ بیلن ساتیش گه دوام ایته جگی اورغولنگن خوددی شو راپورده بونینگ روس صادراتی گه ارزش جهتیدن سلبی تاثیر قالدیره جگی بیلدیریلدی.

مذکور راپورده "روسیه اقتصادی نینگ 2023 ییلیده بو چیکلاولرگه سیزیلرلی درجه ده ماسلشیب باریشی تاکییدلنگن و شونده ی بولیب 2022 ییلی بحرانی روسیه اقتصادی اوچون 90 ییللریدن بیری یوز بیرگن اینگ تاثیرلی بحرانلردن بیرته سی دیر. روس حکومتی و روسیه مرکز بانکی اقتصادده گی اوزگریشلرنی قوللب – قوتله یدی" دیب ایتیلگن.

روسیه نینگ تشقی تجارتده قوییگه بارگن حجمی نینگ ینگی فرصتلر یراتیشی تذکر بیریلگن راپورده روس اقتصادیده ایچکی بازارده تجارت نینگ کوپه ییشی گه اشاره قیلینگن.