یمنده جاری ییل نینگ باشیدن بیری اون مینگلب کیشی نینگ بدرغه بولیب کیتگن لیگی بیلدیریلدی

میلادی جاری ییل باشیدن بیر یمنده 33 مینگدن آرتیق کیشی نینگ اوی – جاییدن بدرغله بولیب کیتیش گه مجبور قالگن لیگی بیلدیریلدی.

بیرلشگن ملتلر تشکیلاتی چوکایتده گی خلق ارا کوچ گروهی (IOM) تامانیدن نشر قیلینگن راپورگه وره بو تشکیلاتگه باغلیق تیملر، جاری ییلده یمنده یورتلرینی ترک ایتیب چیقیش گه مجبور بولیب قالگن عایله سانی نینگ 5 مینگ 556 ته ایکن لیگینی انیقله گن.

بو عایله لرنینگ توپلم 33 مینگ 336 نفردن عبارت ایکن لیگی شونده ی بولیب بو حادثه نینگ 2022 ییلی نینگ باشیدن 23 اپریل گچه یوز بیرگن لیگی قید ایتیلدی.

بولرنینگ کوپراغی نینگ حدیده، تعز و دالی شهرلریده گی توقنه شوولر باعث کوچ ایتیب کیتگن لیکلری معلوم قیلیندی.

یمنده ایران حمایه سیده گی حوثی حرکتی 2014 ییلی سپتامبر آییدن بیری پایتخت صنا و بعضی بیر منطقه لرنینگ کنترولینی قولگه آلیب تورگن. سعودی عربستان باشچیلیگیده گی ائتلاف کوچلری ایسه 2015 ییلی مارچ آییدن بیری حوثیلرگه قرشی یمن حکومتینی قوللب – قوتله ماقده.

اولکه ده 7 ییلدن بیری دوام ایتیب تورگن توقنه شوولرده 377 مینگ اطرافیده انسان حیاتینی یوقاتدی. دنیا مقیاسیده اینگ کمبغل اولکه لر قطاریده اورین آلگن یمنده ایچکی اوروش باعث تاباره کوپه ییب بارگن انسانی بحران قورقینچ سویه گه ییتیب بارگن وضعیتده.