بلغاریا باش وزیری پتکوف بیر آیلیک معاشی نی اوکراین گه بغیشله دی

بلغاریا باش وزیری کریل پتکوف, "اوکراین گه سلاح یاردمی" باره سیده بحث ایتیلرایکن, اوشبو اولکه گه "قورال ساتیب آلینیشی اوچون" بیر آیلیک معاشی نی بغیشله گن لیگی نی معلوم قیلدی. 

پتکوف, اجتماعی ترماق آرقه لی بیرگن بیاناتیده, "اوکراین گه سلاح یاردمی سیاسی و اجتماعی همفکرلیککه باغلیق.  جمعیتده اوشبو موضوع بوییچه فرقلی فکر لر موجود.  ایندی اوشبو انرژی نی حقیقی فعالیت لر گه ایلنتیریش کیره ک" دییه قید ایتدی. 

اوکراین گه سلاح یوبارگن کوپلب اولکه لرنینگ آتی نی ذکر ایتگن پتکوف, بلغاریا ده گی بعضی قیغو لر گه ضد بیر شکلده, روسیه نینگ اوشبو اولکه لرنینگ هیچ قیسی سی گه قرشی اوروش باشلتمه گن لیگی نی بیلدیردی.

پتکوف, "حقیقت دن هم اوکراین گه یاردم ایتماقچی بولگن هر بیر بلغاریا وطنداشی نی مینینگ دیک بیر آیلیک معاشی نی بغیشلشگه چقیره من.  گپیریش آسان, ایش قیلیش قیین.  اجتماعی ترماقده گی جسورانه پیام لرنینگ ایندی اوکراین گه حقیقی یاردم گه ایله نیشی کیره ک" دییه قید ایتدی. 

عینی دمده بلغاریا حکومتی نی تشکیل ایتیاتگن 4 سیاسی حزب نینگ رهبری, پارلمان نینگ قراری گه باغلیق بیر شکلده اوکراین گه سلاح یاردمی بوییچه همفکرلیک تامین ایتیش اوچون بیر ییغیلیش اوتکزه دی. 

روسیه 24- فبروری کونی اوکراین گه هجوم قیله باشله دی.