اوروش اوکراین گه میلیاردلب دالرلیک ضرر ییتکزدی

جهان بانکی و اوکراین حکومتی, روسیه نینگ 24- فبروری کونیده اوروش باشلتگن اوکراین گه یاردم حقیده گپیریش اوچون, بعضی اولکه لرنینگ هم نماینده لیک ایتیلگن وزیر لر سویه سیده بیر ییغیلیش اوتکزدی. 

اوشبو ییغیلیش گه اوکراین جمهوررئیسی ولادیمیر زلنسکی هم ویدیوکنفرانس آرقه لی اشتراک قیلدی. 

مکتب لر, عالی بیلیم یورت لری, کسلخانه لر, اداره لر و زیربنا نینگ ویران بولگن لیگی نی معلوم قیلگن زلنسکی, روسیه نینگ قاره دینگیز بندر لری نی محاصره قیلیشی نینگ ایسه اوکراین نینگ صادرات و دنیا غذا خوفسیزلیگی گه تاثیر قالدیرگن لیگی نی بیلدیردی. 

زلنسکی, "اقتصادی یوقاتیش لرنی تلافی ایتیش اوچون آیلیک 7 میلیارد دالر گه احتیاجی میز بار" دییه قید ایتدی. 

خلق ارا جامعه نینگ روسیه نی خلق ارا پول فوندی و جهان بانکی کبی تشکیلات لردن چیتله شی کیره ک ایکن لیگی نی بیلدیرگن زلنسکی, برچه اولکه لرنی مسکو بیلن مناسبت لری نی توخته تیب قوییش گه چقیردی. 

جهان بانکی باشلیغی دیوید مالپاس ایسه ییغیلیشده قیلگن صحبتیده, روسیه نینگ هجوم لری سببلی اوکراینده بنا لر و زیربنا گه ییتکزیلگن فزیکی ضرر نینگ 60 میلیار دالر گه کوتریلیب کیتگن لیگی نی معلوم قیلرایکن, اوروش دوام ایتگن سری اوشبو رقم نینگ ینه ده آرتیب کیته دیگن لیگی نی بیلدیردی.

مالپاس, اوکراین نینگ دولت اداره لری نینگ فعالیت لری نینگ دوام ایتتیریلیشی اوچون حاضرگی کونده 3 میلیارد دالر دن آرتیق بیر منبع اجره تیلگن لیگی نی معلوم قیلدی. 

خلق ارا پول فوندی باشلیغی کریستالینا جورجیا ایسه, کیلگوسی 2 الی 3 آی مابینیده, حکومت و اقتصاد نینگ اوروش نینگ ایچیده اوز فعالیت لری نی دوام ایتیتریشی اوچون آیده تقریباً 5 میلیارد دالر گه ضرورت حس ایتیله دیگن لیگی نینگ تخمین ایتیلگن لیگی نی بیلدیردی.