یمنده میلیونلب انسان اوی - جاییدن بدرغه بولیب کیتگن

یمنده 3،5 آیده 30 مینگ نفر پناهنده وضعیتی گه ایلنگن.  

بیرلشگن ملتلر تشکیلاتی قاچقینلر یوکسک کمیشنرلیگی یمن دفتری تویتر آدرسی آرقه لی بیریلگن یازمه بیاناتده اولکه ده اوروش باشلنگن 2015 ییلیدن بوگونگچه بدرغه بولیب چیققن یمنلیک نینگ 4،3 میلیون اطرافیده ییتیب بارگن لیگی کونسایین کوپه ییب بارگن لیگی قید ایتیلدی.

بیاناتده "میلادی جاری ییل نینگ باشیدن بیری 30 مینگ اطرافیده یمنلیک اوی – جایینی ترک ایتیش گه مجبور بولیب قالدی" دییلدی.

بیرلشگن ملتلر تشکیلاتی قاچقینلر یوکسک کمیشنرلیگی یمنده دایمی برقرارلیک و تینچلیک نینگ اهمیتی گه دقت قره تدی.

یمنده ایران قوللب – قوتلاوچی حوثیلر بیلن حکومت کوچلری اورته سیده اوزاق ییللردن بیری دوام ایتیب تورگن توقنه شوولرده 337 مینگ کیشی حیاتینی یوقاتدی.

دنیا مقیاسیده اینگ قشّاق – کمبغل اولکه قطاریده اورین آلگن یمنده ایچکی اوروش باعث انسانی بحران قورقینچ وضعیت گه ایلنیب بارگن.