استولتنبرگ: اوروش نی توخته تیش اوچون پوتین گه باسیم قیلماقده میز

ناتو عمومی منشی سی ینس استولتنبرگ ناتو تشقی ایش لر وزیرلری ییغیلیشیده معروضه قیلدی. 

استولتنبرگ, "اوروش نی توخته تیش اوچون (روسیه جمهوررئیسی ولادیمیر) پوتین گه مثالی کورینمه گن بیر شکلده باسیم قیلماقده میز" دییه قید ایتدی. 

ییغیلیشده ناتو نینگ اوکراین گه قره تیلگن یاردم لری باره سیده بحث ایتیله دیگن لیگی نی بیلدیرگن استولتنبرگ, روسیه نینگ هجومی بوییچه خطر حس ایتیلیاتگن و ناتو نینگ اورتاغی بولگن باشقه اولکه لر گه بیریله دیگن یاردم لر توغریسیده هم سوز یوریتیله دیگن لیگی نی معلوم قیلدی. 

استولتنبرگ, روسیه نینگ اوکراین نی اشغال ایتگن لیگی نینگ اوروپا ده گی خوفسیزلیک شرایطی نی اوزگرتگن لیگی نی معلوم قیلرایکن, جون آییده مادرید ده بولیب اوته دیگن رهبر لر ییغیلیشیده کوچ نینگ آرتیریلیشی و مدافعه دن تشقری ینگی وضعیت گه اوزاق مدتلی مطابقت باره سیده هم بحث ایته دیگن لیک لری نی ایسله تیب اوتدی. 

اوشبو ییغیلیش گه اوکراین, آسترالیا, فنلاند, گرجستان, جاپان, جنوبی کوریا, نیوزلند و سویدن تشقی ایش لر وزیرلری اشتراک ایتماقده.