بیرلشگن ملتلر تشکیلاتی, روسیه- اوکراین اوروشیده اوکراین ده کمیده 1119 نفر عادی اهالی نینگ حیاتی نی یوقاتگن لیگی و 1790 کیشی نینگ ایسه یره لنگن لیگی نی بیلدیردی.  

اوشبو رقم نینگ آرتیب کیتیشی بوییچه خواطر بیلدیریلماقده. 

بیرلشگن ملت لر تشکیلاتی نینگ قاچقین لر بوییچه عالی کمیشنرلیگی اوکراین دن قاچگن قاچقین لر حقیده بیانات بیردی. 

بیاناتده,  روسیه- اوکراین اوروشی سببلی 24- فبروری دن 26- مارچ گه قدر اوز اوی لری نی ترک ایتیب قوشنی اولکه لرگه کیتگن کیشی لر سانی نینگ 3 میلیون 821 مینگ 49 نفر گه ییتگن لیگی بیلدیریلدی.   

بیرلشگن ملت لر تشکیلاتی معلوماتی گه کوره, اوکراین لیک قاچقین لرنینگ یریمی دن آرتیغراغی پولند گه اوتگن. 

پولند آرتیدن ایسه اوکراین دن قاچگن لر اینگ کوپ رومانیا, مالدوا, هنگری و سلواکیا گه بارگن.

عینی دمده بیرلشگن ملتلر تشکیلاتی خلق ارا مهاجرت تشکیلاتی, اوکراین نینگ ایچیده هم 6,5 میلیون عادی اهالی نینگ مهاجر بولگن لیگی نی بیلدیررایکن, شونده ی قیلیب قوشنی اولکه لر گه اوتگن اوکراین لیک لر بیلن بیرگه توپلم مهاجر سانی نینگ 10 میلیون گه ییتگن لیگی نی معلوم قیلدی.   

بیرلشگن ملتلر تشکیلاتی قاچقین لر بوییچه عالی کمیشنرلیگی, اوکراین ده گی وضعیت نینگ ینه ده کیسکینله شیشی تقدیرده 4 میلیون گه یقین اوکراین لیک نینگ اوز یورت لریدن قاچیش لری نینگ ممکن ایکن لیگی نی بیلدیرگن ایدی.