استولتنبرگ: پوتین کتته خطا گه یول قویدی

ناتو عمومی منشی سی ینس استولتنبرگ, 24- فبروریده اوکراین گه قرشی اوروش باشلتگن روسیه جمهوررئیسی ولادیمیر پوتین نینگ کتته خطاگه یول قویگن لیگی نی معلوم قیلرایکن, "اوکراین خلقی نینگ کوچی, اوکراین خلقی و قوراللی کوچ لری نینگ جسارتی نی کوزگه ایلمه دی" دییه قید ایتدی. 

استولتنبرگ اوز سوز لری نی, "پوتین, مستقل بیر ملت گه قرشی اوروش باشله تیب کتته خطا گه یول قویدی. اوکراین خلقی نینگ کوچی نی, اوکراین خلقی و قوراللی کوچ لری نینگ جسارتی نی کوزگه ایلمه دی. ایندی کوتگن مقاومت دن کوپراق بیر مقاومت گه دوچ کیلیب قالگن وضعیتده" شکلیده دوام ایتتیردی. 

کیمیاوی قوراللردن فایده له نیش نینگ خلق ارا حقوققه ضد ایکن لیگی, بونینگ کینگ کولملی بیر نتیجه سی نینگ بوله دیگن لیگی نی معلوم قیلگن استولتنبرگ, "هر قنده ی بیر شکلده کیمیاوی قوراللردن فایده له نیش, اوروش نینگ شکلی نی اوزگرته دی و خلق ارا حقوق نینگ اخلالی دیمک. بونینگ کینگ کولملی نتیجه لری بوله دی.  ناتو, متفق لری نی هر خیل هجوم گه قرشی مدافعه قیلیش و حمله گه عکس العمل کورسه تیش گه تیار" دییه قید ایتدی. 

استولتنبرگ چین حقیده بیرگن بیاناتیده ایسه اوز سوز لری نی, "چین نی, روسیه نینگ اوکراین نی اشغال ایتیش تشبثی نی انیق قاره لش, سیاسی و مادی جهت دن روسیه بیلن همکارلیک قیلمس لیک اوچون دنیا نینگ قالگن قسمی گه قوشیلیش گه چقیره میز" شکلیده دوام ایتتیردی.