اوکراین نینگ بیش شهریده اوتکینچی آتشکیسین اعلان قیلیندی

روسیه, اوکراین ده پایتخت کیف داخل 5 شهردن عادی اهالی نینگ چیقیشی اوچون, مسکو ساعتی بیلن بوگون ایرته لب ساعت 10 دن باشلب ینه بیر بار اوتکینچی آتشکیسین اعلان قیلگن لیگی نی بیلدیردی. 

روسیه مدافعه وزیرلیگی تامانیدن بیریلگن بیاناتده, اوکراین شهر لریده انسان لرنینگ وضعیتی نینگ یمانلشگن لیگی بیلدیریلدی. 

عادی اهالی و چیت ایللیک لرنینگ خوفسیزلیگی نینگ مهم ایکن لیگی بیلدیریلگن بیاناتده, "روسیه, 9- مارچ کونی مسکو وقتی بیلن ایرته لب ساعت 10 دن باشلب آتشکیسین اعلان قیلماقده و انسان لرنینگ چیقیشی اوچون یوللر نینگ آچیلیشی گه تیار" دییه قید ایتیلدی. 

اوکراین نینگ کیف, چرنیگیف, سومی, خارکیف و ماریوپول شهرلریده, انسان لرنینگ چیقیشی اوچون یوللر نینگ آچیله دیگن لیگی بیلدیریلگن بیاناتده, اوکراین تامانی گه اوشبو یوللر نینگ اوتیش ساعت لری نینگ انیقلشتیریلیشی بوییچه مسکو ساعتی بیلن کیچه ساعت 3 گه قدر کیلیشیب آلیش پیشنهاد ایتیلدی. 

بیاناتده, انسان لرنینگ چیقیاتگن پیتلرده انیقلنگن یوللرده گی خوفسیزلیک نینگ اوکراین تامانیدن تامین ایتیلیشی کیره ک ایکن لیگی معلوم قیلیندی.