روسیه, اوکراین نینگ دونباس گه هجوم قیلیش نی پلانله گن لیگی نی ادعا ایتدی

روسیه, اوکراین نینگ, ایریلیقچی لرنینگ کنترولی ده گی دونباس گه جاری آیده یاشیرینچ تعرض قیلیش نی ریجه له گن لیگی بوییچه بیر حجت نی ترقه تدی. 

روسیه مدافعه وزیرلیگی سوزچیسی ایگور کوناشینکو تامانیدن بیریلگن بیاناتده, اوکراین ملی محافظ لری قوماندانی جنرال میکولا بالان نینگ, 22- جنوری ده بیر امر ترقه تگن لیگی نی بیلدیردی. 

امر نینگ, مربوطه قطعه لر گه یوباریلگن لیگی نی بیلدیرگن کوناشینکو, حجت ده گی امضالر نینگ اصل ایکن لیگی نی ادعا ایتدی. 

کوناشینکو, اوشبو امرده, حربی قطعه لرنینگ دونباسده اورتاق کوچ لر عملیاتی منطقه سیده هجوم قیلیش اوچون تیارله نیشی بوییچه پلانی نینگ اورین آلگن لیگی نی معلوم قیلدی. 

فبروری آییده اوکراین مقام لری نینگ دونباس مسئله سی نی حربی یوللر بیلن ییچیش پلانی نینگ بولمه گن لیگی نی, دیپلماتیک و سیاسی ییچیم یوللری گه باغلیق ایکن لیک لری نی بیلدیرگن لیگی نی معلوم قیلگن کوناشینکو, "بیراق اوکراین ملی محافظ لری نینگ یاشیرین تعرض حجت لری نینگ, بو بیانات لرنینگ ناتوغری ایکن لیگی نی انیقلب بیرماقده.  حاضرگی کون گه قدر نا انیق بیر مسئله بولگن: مارچ آیی نینگ باشیده اوکراین کوچ لری نینگ دونباس گه هجوم پلانله شی و تیارگرلیک اوتکزیشی گه امریکا قوشمه ایالتلری رهبریتی و ناتو متفق لری قنچه لیک چقور بیر شکلده داخل بولگن لر؟" دییه قید ایتدی