تورکیه: روسیه نینگ اوکراین گه قرشی هجوم لری نینگ توخته تیلیشی کیره ک

تورکیه جمهوریتی جمهوررئیسلیک سوزچیسی ابراهیم قلین, روسیه نینگ اوکراین گه قره تیلگن هجوم لری نینگ زودلیک بیلن توخته تیلیشی کیره ک ایکن لیگی نی بیلدیررایکن, آتشکیسین اوچون چقیریق بیردی. 

قلین اوشبو توغریده اجتماعی ترماق آرقه لی پیام ترقه تدی. 

اوشبو پیامیده قلین, "اوکراین گه قرشی اوروش نینگ تورتینچی کونیده جمهوررئیسی میز نینگ چقیریغی نی ینه بیر بار تکرارله یمیز: روسیه هجوم لری نینگ زودلیک بیلن توخته تیلیب آتشکیسین بوییچه مذاکره لر نینگ باشله شی کیره ک" دییه قید ایتدی. 

قلین, اوز سوز لری نی, "حقسیز و حقوقسیز بو اوروش نتیجه سیده اوکراین خلقی نینگ ینه ده کوپراق عذاب چیکمس لیگی اوچون تشبث لری میز نی دوام ایته میز" شکلیده دوام ایتتیردی.