پوتین: اوکراین فقط گینه بیر قوشنی ایمس, بلکه روس تاریخی نینگ بیر بولگی

روسیه جمهوررئیسی ولادیمیر پوتین, "روسیه پارلمانی دونتسک و لوهانسک نینگ مستقل لیگی نی قوللب- قوتله یدی" دیب, "(اوکراین نینگ شرقیده گی) دونباس, تاریخی اوله راق روسیه نینگ بیر بولگی دیر" دییه قید ایتدی. 

پوتین, خلققه قیلگن صحبتیده, اوکراین نینگ شرقی نینگ سابق روس توپراغی دن عبارت ایکن لیگی نی بیلدیررایکن, تاریخی جهت دن روس امپراطورلیگی نینگ بیر بولگی بولگن جای لر نی بیریش گه مجبور بولیب قالگن لیک لری نی معلوم قیلدی. 

پوتین, "اوتمیش نی اوزگرتیش ممکن ایمس, لیکن حقیقت لر نی ایتیش کیره ک" دییه قید ایتدی. 

"مدرن اوکراین روسیه تامانیدن قوریلدی" دیگن پوتین, اوز سوز لری نی, "اوکراین نی تشقی کوچ لر باشقرماقده, مهم قرار لر غرب لیکلر تامانیدن آلینماقده, خلق تلنماقده" شکلیده دوام ایتتیردی. 

پوتین, اوکراین نینگ فقط گینه بیر قوشنی ایمس, بلکه روس تاریخی نینگ بیر بولگی ایکن ایکن لیگی نی بیلدیررایکن, اوکراین لیک لرنینگ یولداش و اقارب دن عبارت ایکن لیگی نی معلوم قیلدی. 

پوتین, "دونباس ده گی هجوم لرنینگ" اداققه ییتیشیشی کیره ک ایکن لیگی نی معلوم قیلرایکن, بونده ی بولمس لیگی تقدیرده مسئولیت نینگ اوکراین ده بوله دیگن لیگی نی بیلدیردی. 

"غرب لیک کسبداش لری میز بیلن مذاکره گه تیارمیز" دیگن پوتین, "لیکن, طلب لری میز نینگ بجا کیتیریلیشی کیره ک" دییه قید ایتدی. 

پوتین اوشبو صحبتی آرتیدن, اوکراین نینگ شرقیده گی روسیه طرفداری ایریلیقچی لرنینگ سوزده رهبریت لری نینگ تن آلینیشی بیلن علاقه لی فرمانلر نی امضالب, تصدیق له نیشی اوچون پارلمان گه یوباردی. 

هر بیری بیش ماده دن تشکیل تاپگن اوشبو فرمان لرده, پوتین نینگ روسیه قوراللی کوچ لری گه سوزده دونتسک و لوهانسک جمهوریت لریده تینچلیک نینگ اورنه تیلیشی اوچون فعالیت یوریتیشی بوییچه بویوروق بیرگن لیگی بیلدیریلدی. 

عینی دمده پوتین, روسیه تشقی ایش لر وزیرلیگی گه هم سوزده دونتسک و لوهانسک جمهوریت لری بیلن دیپلماتیک مناسبت قوریش بوییچه کیلیشوو لر امضالش نی بویوردی. 

اوشبو فرمان نینگ, امضالنگن تاریخ نینگ اوزیده کوچ گه کیرگن لیگی بیلدیریلدی.