بیرلشگن ملتلر تشکیلاتی: روسیه - اوکراین اوروشی نینگ آلدی نینگ آلینیشی کیره ک

بیرلشگن ملت لر تشکیلاتی, اوکراین و روسیه اورته سیده گی بحران نینگ جوده یمان بیر وضعیت گه کیلگن لیگی نی معلوم قیلرایکن, قتتیق بیر اوروش نینگ آلدینی نینگ آلینیشی کیره ک ایکن لیگی نی بیلدیردی. 

بیرلشگن لر ملتلر تشکیلاتی عمومی منشی سی نینگ سیاسی ایش لر بوییچه اورینباسری روزیماری دیکارلو, اوکراین نینگ طلبی گه بناً فوق العاده ییغیلیش اوتکزگن خوفسیزلیک کینگشیده, منطقه ده گی یمان وضعیت بوییچه قتتیق خواطرده ایکن لیک لری نی معلوم قیلدی.

دیکارلو, "کیلگوسی ساعت لر و کون لر جوده مهم.  قتتیق اوروش ریسکی موجود و مطلق صورتده آلدی نینگ آلینیشی کیره ک" دییه قید ایتدی. 

روسیه نینگ, "تینچلیک کوچ لری" نامی بیلن اوکراین نینگ شرقی گه عسکر یوبارگن لیگی بوییچه خبر لرنی ایشیتگن لیگی اوچون جوده قیغولی ایکن لیگی نی بیلدیرگن دیکارلو, آتشکیسین گه رعایت ایتیلمس لیگی نینگ منطقه ده گی عادی اهالی گه ضرر ییتکزگن لیگی نی معلوم قیلدی. 

دیکارلو, سونگگی ینگیلیک لر گه قره گنده مذاکره لرنینگ نتیجه بیریشی بوییچه انچه قیغولی ایکن لیک لری نی ینه بیر بار تکرارلرایکن, منطقه خوفسیزلیگی اوچون تامان لر اورته سیده گی مذاکره لرنینگ دوام ایتیشی نینگ مهم ایکن لیگی نی بیلدیردی. 

روسیه جمهوررئیسی ولادیمیر پوتین, توناون آقشام, سوزده "دونتسک خلق جمهوریتی و لوهانسک خلق جمهوریتی نینگ مستقل لیگی نینگ" تن آلینیشی بوییچه فرمان امضاله دی.