تورکیه نینگ کوچی کونساین آرتیب بارماقده

امریکا قوشمه ایالتلری نینگ انقره ایلچیسی جفری فلیک, تورکیه نینگ خلق ارا مقیاسده کوچی نینگ کونساین آرتیب باریاتگن لیگی نی بیلدیردی. 

فلیک, "امریکا قوشمه ایالتلری و تورکیه صفتیده موجود یقین مناسبت لری میز نینگ فایده سی نی کورماقده میز. امنیتی میز یخشی بولدی.  تورکیه 70 ییلدن بیری ناتو نینگ مهم اعضالری دن بیری.  اینگ کوپ اف- 16 اوروش اوچاغی گه ایگه بولگن ایککینچی اولکه دن عبارت تورکیه, ناتو فعالیت لری گه اینگ کتته حصه قوشیاتگن اوچینچی اولکه. شوباعث اوشبو ساحه ده کوپلب اورتاق منعفت لری میز موجود" دییه قید ایتدی. 

تورکیه بیلن امریکا اورته سیده گی مناسبت لرنینگ فقط گینه امنیت ساحه سیدن عبارت ایمس لیگی نی بیلدیرگن فلیک, اقتصاد نینگ هم ایککی اولکه جهتی دن مهم ایکن لیگی نی معلوم قیلدی. 

فلیک, "البته که, حاضر اوکراینده بولگن لیگی دیک منطقه ده پیدا بولیاتگن تهدید لرگه قرشی, تورکیه بیلن مناسبت لری میز ینه ده اهمیت کسب ایتماقده" دییه قید ایتدی. 

فلیک, اوز سوز لری نی, "تورکیه بیزنینگ اساسی متفقی میز و دنیا ده مهم بیر اولکه.  تورکیه, روسیه نینگ منطقه ده گی جنجال گه سبب بوله دیگن و هجومچی سیاست لری نینگ توخته تیلیشی بوییچه مهم بیر متفق دن عبارت" شکلیده دوام ایتتیردی. 

فلیک, "تورکیه جغرافی اوله راق کینگ بیر ساحه ده اورین آلگن و تشقی سیاست جهتی دن آلیب قره گنده هردایم مرکزده جایلشگنی و اینیقسه حاضرگی کونده منطقه ده گی قیین چیلیک لر نظرگه آلینگنده, تورکیه دیک وازکیچیله آلمه یدیگن بیر متفقی میز بولگنی اوچون جوده چانسلی میز" دییه قید ایتدی.