میانمارده یوزلب باله اولدیریلدی

میانمار خوفسیزلیک کوچلری نینگ اوتگن ییلگی فبروری آییده قول اوریلگن تونتروودن بوگونگچه کمیده 114 ته باله نی اولدیرگن لیگی بیلدیریلدی.

بیرلشگن ملتلر تشکیلاتی سوزچیسی فرهان حق موضوع بوییچه معلومات بیردی.

"میلادی 2021 ییلی 1 فبروریده گی تونتروودن بوگونگچه 18 ته سی جنوری آییده و یاشلری 3 الی 17 یاش آره سیده بولمیش توپلم کمیده 114 ته باله خوفسیزلیک کوچلری تامانیدن اولدیریلدی" دیدی.  

یره لنگن باله سانی نینگ انچه کوپ ایکن لیگینی معلوم قیلگن حق اولکه نینگ خوفسیزلیک کوچلریگه میانمار 2019 ییلی قول قویگن بیرلشگن ملتلر تشکیلاتی باله لر حقی بیلن تیگیشلی کیلیشووگه بناً باله لر حقینی قوریقلش مسؤلیتینی ایسله تیب اوتدی.

میانمار اردوسی 2020 ییلی بولیب اوتگن سیلاوده فسادگه قول اوریلگن لیگی بیلن تیگیشلی ادعالرنینگ یوز بیریشی و اولکه ده سیاسی بحران یوز بیریشی نینگ آرتیدن 2021 ییلی 1 فبروری تاریخیده باشقروونی قولگه کیریتیب آلگندی.

میانمار اردوسی نینگ تونترووگه قرشی چیقیب مظاهره و قوزغالان گه قول اورگن گروهلرگه قوراللی مداخله قیلیشی عاقبتیده 902 کیشی حیاتینی یوقاتگندی.

سیاسی محکوملرگه یاردم بیریش جمغرمه سیگه کوره تلفات سانی 1 مینگ 400 دن آشرکن 10 مینگ اطرافیده قوزغالانچی قولگه آلینگندی.

اولکه ده کینگ کولملی نمایشلر دوام ایترکن یوقاری سویه لی حکومت ییتکچیلری حربی سودگه تارتیلگن وضعیتده.