یمنده حوثیلر بیر مسجدگه راکت آرقه لی هجوم اویوشتیردی

یمن نینگ جنوب – شرقیده جایلشگن شبوه ولایتیده گی بیر مسجدگه حوثیلر تامانیدن بالستیک راکت آرقه لی هجوم اویوشتیریلیشی عاقبتیده 4 نفر تینچ اهالی نینگ اولگن لیگی 5 کیشی نینگ ایسه یره لنگن لیگی بیلدیریلدی.

یمن اردوسیگه باغلیق آمالیکا کوچلری تامانیدن بیریلگن بیاناتده هجوم نینگ عبدالله بن مسعود مسجدیده کتته زیانگه سبب بولگن لیگی و اطرافده گی موترلرنینگ هم یانیب کیتیشی گه سبب بولگن لیگی قید ایتیلدی.

حادثه بیلن تیگیشلی حوثیلر تامانیدن بیانات بیریلمه دی.

اوزاق مدتدن بیری سیاسی برقرارسیزلیک یوز بیریب تورگن یمنده ایران قوللب – قوتله گن حوثیلر بیلن حکومت گه باغلیق کوچلر اورته سیده توقنه شوولر یوز بیرماقده.

حوثیلر 2014 ییلی سپتامبر آییدن بیری پایتخت صناء و بعضی بیر منطقه لرنینگ کنترولینی قولی گه توتگن حالده سعودی عربستان باشچیلیگیده گی ائتلاف کوچلری ایسه 2015 ییلی مارچ آییدن بیری حوثیلرگه قرشی یمن حکومتینی قوللب – قوتله ماقده.