اوروپا بیرلیگی روسیه نی آگاهلنتیردی

اطریش باش وزیری کارل نیهامر پایتخت ویانا ده اوروپا بیرلیگی کینگشی نینگ باشلیغی میشل بیلن اوچره شدی. 

اوچره شوو آرتیدن میشل بیلن نیهامر اورتاق مطبوعاتی کنفرانس ترتیب له دی. 

اوشبو مطبوعاتی کنفرانس دایره سیده بیرگن بیاناتیده میشل, روسیه نینگ اوکراین چیگره سی گه عسکر جایلشتیریشی نینگ قیغو گه سبب بولیاتگن لیگی نی بیلدیررایکن, فرقلی شکل لرده دیپلماتیک فعالیت لرنینگ دوام ایتیاتگن لیگی نی معلوم قیلدی.

میشل, "حربی بیر هجوم نینگ بحث موضوعی بولیشی تقدیرده همه میز تیارمیز بولیش نی خواهله یمیز.  بونده ی بیر وضعیت ده (روسیه گه قرشی) قتتیق تحریم لرنی مطرح قیلیش گه مجبور بولیب قاله میز.  بونده ی بیر نرسه نی آرزو قیلمه یمیز لیکن برقرارلیک و امنیتی میز بحث موضوعی بولگنده هیچ بیر نرسه گه بوین ایگمه یمیز" دییه قید ایتدی. 

"اوکراین گه قره تیلگن بیر تهدید نینگ اوروپا نینگ همه سی و حتی بوندن هم کینگراق بیر جغرافیه گه قرشی تهدید معنی سی گه" کیلگن لیگی نی بیلدیرگن میشل, اوکراین نینگ ارضی تمامیتی اوچون بیر یقه دن باش چیقاریاتگن لیک لری نی بیلدیررایکن, یوز بیریاتگن ینگی لیک لرنینگ قیغو گه سبب بولیاتگن لیگی گه قره مسدن دیپلماتیک فعالیت لرنینگ هم دوام ایتیاتگن لیگی نی ایسله تیب اوتدی. 

نیهامر هم, روسیه نینگ, زورانلیک قیلیشی تقدیرده اوروپا بیرلیگی نینگ تحریمی گه دوچ کیلیب قاله دیگن لیگی نی بیلیشی کیره ک ایکن لیگی نی معلوم قیلدی.