افغانستاندن آلیب چیقریلگن اون مینگلب افغانستانلیک امریکاگه ییتیب باریش نی کوتیب تورگن

امریکا قوشمه ایالتلری حربیلری افغانستاننی ترک ایتیب چیقرکن اولرگه یاردم ایتگن امریکا مرکزی خبرلشوو تشکیلاتی (سی آی ای) چوکاتیده گی افغان کوچلری حلی گچه بیرلشگن عرب امیرلیکلریده ویزه لری نینگ چیقیشینی کوتیب تورگن.

نیویورک تایمز گزیته سی خبر بیریشیچه آگست آییده باشله گن تخلیه قیلیش پروسه سی دایره سیده افغانستانده قالیب کیتگن و بو جایدن چیققن افغان کوچلری و عایله لری حلی گچه امریکا قوشمه ایالتلریگه ییتیب باره آلمه گن.

خبرده بیرلشگن عرب امیرلیکلریده بیر قاچقین کمپیده جایلشتیریلگن CIA حمایه سیده گی مینگلب افغانستانلیک عسکر و عایله سی نینگ امریکا قوشمه ایالتلریگه کیتیش اوچون اوزاق مدتدن بیری ویزه لری نینگ چیقیشینی کوتیب تورگن لیگی بیلدیریلدی.

امریکا قوشمه ایالتلری طالبان نینگ آگست آییده افغانستانده باشقروونی قولگه کیریتیب آلیشی نینگ آرتیدن 100 مینگدن آرتیق افغانستان تبعه سینی هم تخلیه قیلیب بو اولکه دن آلیب چیقرگندی.