علی خان اسماعیلوف قزاقستان نینگ ینگی باش وزیری ایتیب تعینلندی

قزاقستان نینگ ینگی باش وزیری علی خان اسماعیلوف بولدی. 

جمهوررئیس قاسم توکایف, قزاقستان پارلمانی عمومی کینگشی ییغیلیشیده, اسماعیلوف نی باش وزیرلیککه کاندید قیلیب کورستدی. 

شونده ی قیلیب, اسماعیلوف, پارلمان نینگ اعتماد رایی نی آلیب قزاقستان نینگ 12- باش وزیر ایتیب تعینلندی. 

آلدینگی کابینه ده باش وزیر اورینباسری بولگن 50 یاشلی اسماعیلوف, 5- جنوریده سابق باش وزیر عسکر مامن باشچی لیگیده گی حکومت نینگ سویوقتیریلگن پطرول گازی نرخی نی آرتیریشی گه قرشی باشله تیلگن ناراضی چیلیک نمایش لری آرتیدن استعفا ایتیشی کیتیدن, اوتکینچی روشده حکومت نی باشقرماقده ایدی. 

اسماعیلوف, اقتصادی برقرارلیک نی اورنه تیب تورم نی توشیریش نی هدف قیلیب آلگن لیگی نی بیلدیررایکن, "قزاق خلقی نینگ برچه قانونی طلب لری نظرده توتیلیب تطبیق ایتیله دی" دییه قید ایتدی.